Deprecated: mysql_connect(): The mysql extension is deprecated and will be removed in the future: use mysqli or PDO instead in /home2/hayernaysor/public_html/old1/conf.php on line 9
«Իմ ամենամեծ ցանկությունն է,որ հայերն արարեն Հայրենիքի համար…»
 
ՀՀ Սփյուռքի նախարարության նախագիծ
Այսօր` 20 / 9 / 2017
Որոնում`
 
Օրացույց
 
Հայրենադարձներ
03.07.2011

Արմեն Մինասյան
«Իմ ամենամեծ ցանկությունն է,որ հայերն արարեն Հայրենիքի համար…»
Ճարտարապետ Արմեն Մինասյանը  Թեհրանից 1992-ին եկել էր սովորելու Երևանում և իրականացնելու ճարտարապետ դառնալու իր երազանքը: Սովորելու տարիները ճակատագրական դարձան. Արմենը հազար ու մի թելերով կապվեց հայրենիքին և կայացավ  իբրև մասնագետ: Այնուհետև ընտանիքով հաստատվեց  Երևանում: «Հայերն այսօրի» թղթակիցը զրուցել է նրա հետ:
-Արմե՛ն,լինու՞մ են պահեր,երբ զղջում եք Հայաստանում հաստատվելու համար:
        -Այո՛, երբեմն ունենում եմ այդպիսի մտորումներ. կարծում եմ՝  բնական է, սակայն դա չէ կշեռքի ծանր նժարը:

-Ի՞նչ զգացումներ ունեք Հայրենիքի հանդեպ…

-Պարտքի զգացում… 1700 տարի էլ ապրեմ, միևնույնն է, չեմ կարող պարտքս վերադարձնել, ինչպես որդին  չի կարող իր պարտքը վերադարձնել ծնողին: Այդ պարտքը սահման, կշիռ ու ծավալ չունի:

-Ձեր մասնագիտությա՞մբ եք աշխատում: 

-Կարելի է ասել` այո՛:Ներկա պահին Կոշում մեր ընկերության նախագծով կառուցվում է արդիական ու ժամանակակից նորմերին համապատասխան պոլիկլինիկա, որի բարերարն է լոնդոնաբնակ Ռազմիկ Թադևոսյանը: Մեր ընկերությունը կատարել է բազմապրոֆիլ նախագծեր, որոնք իրականացվել են Երևանում և Հայաստանի մարզերում:Ավելացնեմ,որ ներկայում նախագծում ենք Իրանում Հայաստանի դեսպանատան շենքը, որը նախկինում դպրոց է եղել: Հիշյալ նախագիծը մեզ է վստահել ՀՀ և Երևանի գլխավոր ճարտարապետ Նարեկ Սարգսյանը,ով նաև իմ թեկնածուական ատենախոսության ղեկավարն է:

-Քանի՞ զավակ ունեք:

-Երկուսն են` աղջիկ  ու տղա: Աղջիկս սովորում է Մռավյանի անվան դպրոցում, հաճախում է: Չայկովսկու անվան երաժշտական դպրոց և «Նանե» շոու-բալետ: Տղաս սովորում է ճարտարագիտական քոլեջում, հաճախում է Ազգային գեղագիտական կենտրոնի Ազգային գեղագիտական կենտրոնի Փոքր  թատրոն:

-Ի՞նչ կցանկանայիք աշխարհասփյուռ  հայությանը:

-Կցանկամ, որ աշխարհի  տարբեր երկրներում ապրող հայերը միասնական լինեն, որ նրանց  չտարանջատեն և ճիշտ ներկայացնեն: Իմ ամենամեծ ցանկությունն է, որ հայերը արարեն, ստեղծեն Հայրենիքի համար  և բարձր պահեն  Հայաստան ու հայ  թանկ անունները:

Զրուցեց Կարինե Ավագյանը

|

 
 
ԲՈԼՈՐ ՀԱՐՑԱԶՐՈՒՅՑՆԵՐԸ
© «Հայերն այսօր» էլեկտրոնային պարբերական
ՀՀ Սփյուռքի նախարարություն
Պատրաստված է ZOOM GRAPHICS -ում
© «Հայերն այսօր» էլեկտրոնային պարբերական
ՀՀ, ք. Երեւան,0002, Սարյան 22
Հեռ.` 53-09-38