Deprecated: mysql_connect(): The mysql extension is deprecated and will be removed in the future: use mysqli or PDO instead in /home2/hayernaysor/public_html/old1/conf.php on line 9
Օպամա Կ՛առաջարկէ 38 Տոկոսով Կրճատել Հայաստանի Օժանդակութիւնը
 
ՀՀ Սփյուռքի նախարարության նախագիծ
Այսօր` 20 / 9 / 2017
Որոնում`
 
Օրացույց
 
Տնտեսություն
12.04.2013

Օպամա Կ՛առաջարկէ 38 Տոկոսով Կրճատել Հայաստանի Օժանդակութիւնը
Ամերիկայի Հայ Դատի յանձնախումբը կը տեղեկացնէ, թէ Միացեալ Նահանգներու նախագահ Պարաք Օպամայի վարչակազմին կողմէ Չորեքշաբթի, Ապրիլ 10ին հրապարակուած 2014ի ամավարկով առաջարկուած է Հայաստանին տրամադրուելիք տնտեսական օժանդակութիւնը կրճատել 38 տոկոսով: Եթէ կառավարութեան առաջարկը անփոփոխ վաւերացուի, ապա Հայաստանի տրամադրուելիք 24.7 միլիոն տոլարի օժանդակութիւնը՝ 1988ի երկրաշարժէն ի վեր, ամենացած մակարդակին պիտի հասնի:
Քոնկրեսի մէջ Հայկական համախմբումը առաջարկած էր կառավարութեան, որ 2014ի ամավարկին մէջ 50 միլիոն տոլարի տնտեսական օժանդակութիւն նկատի ունենայ Հայաստանի համար: Անցեալ տարի, Հայաստանին տրամադրուած էր 40 միլիոն տոլարի տնտեսական նպաստ:

Սպիտակ տան առաջարկին մէջ կը շարուանկուի Ատրպէյճանի եւ Հայաստանի տրամադրուող ռազմական օժանդակութեանց հաւասարութիւնը (3.3 միլիոն տոլար իւրաքանչիւրին):

Յայտնենք, թէ Վրաստանին համար կ՛առաջարկուի 43 միլիոն տոլարի տնտեսական օժանդակութիւն եւ 13.8 միլիոն տոլարի ռազմական օժանդակութիւն, իսկ Ատրպէյճանի համար՝ 11 միլիոն տոլարի տնտեսական օժանդակութիւն:
Թմրեցուցիչի առեւտուրին դէմ պայքարին գծով, Հայաստանի համար առաջարկուած է 2.8 միլիոն տոլար, Ատրպէյճանին՝ 1.2, իսկ Վրաստանին՝ 3.9 միլիոն տոլար:

«Նախագահ Օպամա, որ իշխանութեան գլուխ եկաւ՝ խոստանալով պահպանել Հայաստանի տրամադրուող տնտեսական օժանդակութեան մակարդակը ու սերտացնել երկկողմանի առեւտուրն ու ներդրումները, շարունակաբար կը կրճատէ Հայաստանի տրամադրուելիք օժանդակութիւնները՝ միաժամանակ բաւարար քայլերու չդիմելով՝ տնտեսական կապերը ամրապնդելու համար», կը յայտնէ Ամերիկայի Հայ Դատի յանձնախումբի գործադիր վարիչ Արամ Համբարեան:
Կառավարութեան ամավարկին մէջ Արցախի տրամադրուելիք օժանդակութեան մասին չի խօսուիր, սակայն վերջին քանի մը տարիներուն, տարեկան 2 միլիոն տոլար կը տրամադրուի Արցախին՝ Միացեալ Նահանգներու միջազգային բարգաւաճման բաժանմունքին (USAID) միջոցաւ:

asbarez.com

|

 
 
ԲՈԼՈՐ ՆՈՐՈՒԹՅՈՒՆՆԵՐԸ
© «Հայերն այսօր» էլեկտրոնային պարբերական
ՀՀ Սփյուռքի նախարարություն
Պատրաստված է ZOOM GRAPHICS -ում
© «Հայերն այսօր» էլեկտրոնային պարբերական
ՀՀ, ք. Երեւան,0002, Սարյան 22
Հեռ.` 53-09-38