ՀՀ Սփյուռքի նախարարության նախագիծ
Այսօր` 22 / 7 / 2017
Որոնում`
 
Օրացույց
 
Սփյուռք Սպորտ
18.04.2013

Նանօր Առնելեան Եւ Ճիօ Գալուստ Հանդիսացան Լիբանանի Ճատրակի Ախոյեաններ
Ուրախութեամբ կը յայտնենք, որ Մեսրոպեան վարժարանը Լիբանանի ճատրակի 2013-ի տարիքային անհատական ախոյեանութեան մէջ արձանագրած է մեծ յաջողութիւններ:
10 տարեկանէն վար աղջկանց դասակարգին մէջ մեսրոպեանական Նանօր Առնելեան հանդիսացած է Լիբանանի ախոյեան, մինչ 12 տարեկանէն վար տղոց ախոյեանութեան տիրացած է Ճիօ Գալուստ:

Յայտնենք, որ մրցումին Մեսրոպեան վարժարանէն նաեւ մասնակցած էին Յակոբ Թերզեան, Յովսէփ Գիրազեան եւ Կարօ Գալֆայեան:

Նշեալ յաջողութիւնը իրականացած է շնորհիւ աշակերտ-ծնողք-ուսուցիչ գործակցութեան, բծախնդիր աշխատանքին եւ հետեւողական մօտեցումին: Այստեղ, մեծապէս գնահատելի է վարժարանի արտադասարանային խումբերու ճատրակի խումբի ուսուցիչ Էլի Հուլիշեանին դերակատարութիւնը:

Մեր շնորհաւորութիւնները կը փոխանցենք երկու ախոյեաններուն` Նանօր Առնելեանին եւ Ճիօ Գալուստին, անոնց ծնողներուն, ուսուցիչին, եւ կը մաղթենք, որ ճատրակի մեսրոպեանական աշակերտները միեւնոյն ոգիով եւ յաւելեալ թափով շարունակեն իրենց աշխատանքները:

ՀԱՅ ԿԱԹՈՂԻԿԷ ՄԵՍՐՈՊԵԱՆ 
ԲԱՐՁՐԱԳՈՅՆ ՎԱՐԺԱՐԱՆԻ
ՏԵՍՉԱԿԱՆ ԳՐԱՍԵՆԵԱԿ

|

 
 
ԲՈԼՈՐ ՆՈՐՈՒԹՅՈՒՆՆԵՐԸ
© «Հայերն այսօր» էլեկտրոնային պարբերական
ՀՀ Սփյուռքի նախարարություն
Պատրաստված է ZOOM GRAPHICS -ում
© «Հայերն այսօր» էլեկտրոնային պարբերական
ՀՀ, ք. Երեւան,0002, Սարյան 22
Հեռ.` 53-09-38