ՀՀ Սփյուռքի նախարարության նախագիծ
Այսօր` 30 / 3 / 2017
Որոնում`
 
Օրացույց
 
Քաղաքականություն
13.05.2013

ԱՆԳԱՐԱՅԻ ԱՌԱՋԱՐԿԸ ՓԱՐԻԶԻՆ. «ՀԻՒԼԷԱԿԱՅԱՆ` ՑԵՂԱՍՊԱՆՈՒԹԵԱՆ ԴԻՄԱՑ»
Մայիս 6-ին, Անգարայի մէջ, լրագրողներու հետ ունեցած հանդիպումին, Թուրքիոյ Ուժանիւթի նախարարը՝ Թանէր Եըլտըզ բացէ ի բաց յայտարարած է, որ Անգարա կը յուսայ, որ ներգրաւուելով թրքական երկրորդ հիւլէակայանի շինութեան գործընթացին մէջ՝ Ֆրանսա կը վերանայի իր դիրքորոշումը Հայոց Ցեղասպանութեան հարցին գծով:
«Մենք յոյս ունինք, որ առեւտրային կապերու բարելաւման ենթախորքին վրայ, Փարիզ աւելի հաւասարակշռուած դիրք կը ցուցաբերէ Հայոց Ցեղասպանութեան վերաբերող պնդումներուն կապակցութեամբ», -ըսած է Եըլտըզ:

Թուրք նախարարը այս յայտարարութիւնը ըրած է թրքական կառավարութեան ու ճափոնա-ֆրանսական ընկերութիւններու խմբակցութեան միջեւ համաձայնագրի մը ստորագրումէն երեք օր ետք: Ըստ այդ համաձայնագրին` ճափոնական Mitsubishi եւ Itochu ընկերութիւնները եւ ֆրանսական GDF Suez-ը 22 միլիառ տոլար ընդհանուր արժողութեամբ հիւլէակայան պիտի կառուցեն Սեւ ծովու ափին գտնուող Սինոփ քաղաքին մերձակայքը: Կառուցու-մէն ետք ալ, հիւլէակայանը պիտի գործէ ֆրանսական մէկ այլ ընկերութեան` Areva-ի կողմէ արտադրուած հիւլէական շարժիչով:  

«Նոր Յառաջ» 

|

 
 
ԲՈԼՈՐ ՆՈՐՈՒԹՅՈՒՆՆԵՐԸ
© «Հայերն այսօր» էլեկտրոնային պարբերական
ՀՀ Սփյուռքի նախարարություն
Պատրաստված է ZOOM GRAPHICS -ում
© «Հայերն այսօր» էլեկտրոնային պարբերական
ՀՀ, ք. Երեւան,0002, Սարյան 22
Հեռ.` 53-09-38