Ապրիլի 19-ին տեղի ունեցավ «Հայոց ցեղասպանության 100-ամյա տարելիցին ընդառաջ» իրականցվող ծրագրերի շրջանակում ՀՀ սփյուռքի նախարարության հովանավորությամբ հրատարակված hայր Վահան ծ. վրդ. Օհանյանի և Ոսկան Մխիթարյանի հեղինակած «Հայերն Օսմանյան կայսրության վերջալույսին» ժողովածուի, «Հայկական պետության սահմաններն ըստ ԱՄՆ նախագահ Վուդրո Վիլսոնի» և «Գրիգոր Գուլգուլյանի գործը. վրեժ սպանված հոր և եղբայրների համար» գրքերի շնորհանդեսը:

Ապրիլի 19-ին, ժ. 16:00-ին տեղի կունենա «Հայոց ցեղասպանության 100-ամյա տարելիցին ընդառաջ» ծրագրի շրջանակներում ՀՀ սփյուռքի նախարարության հովանավորությամբ հրատարակված՝ «Հայերը Օսմանյան կայսրության վերջալույսին» (կազմողներ` Հոգեշնորհ հայր Վահան ծ.վրդ. Օհանյան, Ոսկան Մխիթարյան), «Հայկական պետության սահմաններն՝  ըստ ԱՄՆ նախագահ Վուդրո Վիլսոնի» (հայերեն-անգլերեն) և «Գրիգոր Գուլգուլյանի գործը» (վրեժ սպանված հոր և եղբայրների համար) գրքերի շնորհանդեսը (հասցե` Վ. Սարգսյան 26/1, «Էրեբունի պլազա» բիզնես կենտրոն, 9-րդ հարկ, «Էրեբունի» սրահ):

ՀՀ սփյուռքի նախարարի պաշտոնակատար Հրանուշ Հակոբյանը ընդունեց ֆրանսահայ օպերային երգիչ, միջազգային մրցունթների դափնեկիր Մուրադ Ամիրխանյանին: Ապրիլի 13-ին նա Պարոնյանի անվան երաժշտական կոմեդիայի թատրոնում բեմադրիչ Բրունո Ստրեֆի և սոպրանո Ան-Շալրոտ Մոնվիլի հետ նեկայացրեց բարոկկոյի դարաշրջանի անվանի կոմպոզիտոր Ադոլֆ Հասսեի «Լարինդան և Վանեսիոն» օպերայի բեմադրությունը: Նա համերգներով մասնակցում է «100 համերգ՝ նվիրված Ցեղասպանության 100 ամյա տարելիցին» ծրագրին:

Ապրիլի 15-ին, ՀՀ սփյուռքի նախարարությունում կայացավ հանդիպում «Շանթ» հեռուստաընկերության «X ֆակտոր» ծրագրի սփյուռքահայ մասնակիցների, ժյուրիի անդամների և պրոդյուսերների հետ:

ՀՀ սփյուռքի նախարարությունում տեղի ունեցավ Համահայկական երիտասարդական համաժողովի աշխատանքային խմբի հերթական նիստը:

Ապրիլի 12-ին ՀՀ սփյուռքի նախարարի պաշտոնակատար Հրանուշ Հակոբյանը Հայաստան-Սփյուռք գործակցության զարգացմանը նպաստելու, Սփյուռքում հայ մշակույթը տարածելու և սփյուռքահայ համայնքների հետազոտման համար Հայաստանի Հանրապետության սփյուռքի նախարարության «Վիլյամ Սարոյան» մեդալով պարգևատրեց «Համահայկական աշխարհագրական ասոցիացիայի» նախագահ Ռաֆայել Հովհաննիսյանին:

Ապրիլի 12-ին, ՀՀ սփյուռքի նախարարի պաշտոնակատար Հրանուշ Հակոբյանի մասնակցությամբ, կայացավ տեսակոնֆերանս Ավստրալիայի Սիդնեյ քաղաքի հայ համայնքի հայկական դպրոցների տնօրենների, մանկավարժների և ՀՀ սփյուռքի նախարարության պատասխանատու աշխատակիցների միջև:

ՀՀ սփյուռքի նախարարի պաշտոնակատար Հրանուշ Հակոբյանը ընդունեց Լիտվայի հայ համայնքի ղեկավար Արայիկ Թունյանին: Հանդիպման ընթացքում քննարկվեցին Լիտվայի հայ համայնքին վերաբերող, Լիտվայում հայկական մշակույթը ներկայացնելու հետ կապված, ինչպես նաև այդ ծրագրերին Սփյուռքի նախարարության աջակցությանը վերաբերող հարցեր: